ថ្ងៃអាទិត្យ ទី៦ ខែឧសភា ឆ្នាំ២០១២ ម៉ោង ១៥:៣៦
រាជធានីភ្នំពេញ ៖ ព្រះពុទ្ធបដិមាដែលធ្វើអំពីលង្ហិន តាមការអះអាងថា មានទម្ងន់ជាង៦០គីឡូក្រាម ដែលតម្កល់ទុកនៅក្នុងកុដិព្រះចៅអធិការវត្តជម្ពូវ័ន ត្រូវបានចោរទមិឡឥតសាសនា១ក្រុមចូលលួចយកទៅបាត់ បង្កឱ្យមានការភ្ញាក់ផ្អើល កាលពីយប់ថ្ងៃទី៥ ឧសភា នៅកុដិចៅអធិការវត្តជម្ពូវ័ន សង្កាត់ចោមចៅ ខណ្ឌពោធិ៍សែនជ័យ ។
តាមប្រភពព័ត៌មានមួយបានបង្ហើបឱ្យដឹងថា ព្រះពុទ្ធបដិមានោះគេពុំដឹងថាមានទំហំព្រះភ្នែនប៉ុន្មាន និងកម្ពស់ប៉ុន្មាននោះទេ គ្រាន់តែគេដឹងថា មានទម្ងន់ប្រមាណជាង៦០គីឡូក្រាម និងធ្វើឡើងពីលង្ហិនតាំងពីសម័យមុនមកម៉្លេះ និងត្រូវបានតម្កល់ទុកនៅក្នុងកុដិចៅអធិការវត្តជម្ពូវ័ន នេះយូរមកហើយ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
No comments:
Post a Comment